|
 |
SLIDA |
Researcher Call
රාජ්‍ය ප්‍රතිපත්ති, උපායමාර්ග හා සැලසුම් සම්පාදනයේදී පර්යේෂණ ප්‍රතිඵල පදනම් කර ගැනීමේ අවශ්‍යතාවය අන් කවරදාටත් වඩා වර්තමානයේදී තීරණාත්මක වෙමින් පවතී. රාජ්‍ය කළමනාකරණයේ උන්නතිය පිණිස පර්යේෂණ සඳහා දායකත්වය සැපයීම ශ්‍රී ලංකා සංවර්ධන පරිපාලන ආයතනයේ (ස්ලීඩා) ප්‍රධාන වගකීමක් වන අතර උපදේශන, සේවාරම්භක පුහුණු හා ධාරිතා සංවර්ධන පාඨමාලාවන්හි අන්තර්ගත වන පර්යේෂණ ආශ්‍රිත අධ්‍යයන කටයුතු ද වාර්ෂිකව පළ කෙරෙන “සංවර්ධන පරිපාලනය සඳහා වන ශ්‍රී ලංකා (පර්යේෂණ) ජර්නලය [ISSN 1391-8214]” ද මෙම වගකීමට උරදීමෙහි ලා ස්ලීඩා ආයතනය ලබා දෙන දායකත්වයන්ට නිදසුන් වේ.
එසේවෙතත්, පර්යේෂණ පාදක ප්‍රතිපත්ති හා සැලසුම් සම්පාදනය ප්‍රවර්ධනය සඳහා රාජ්‍ය නිලධාරීන්ගේ නිපුණතා වර්ධනයද මෙහිලා වැදගත් සාධකයකි. ඒ සඳහා වන අවකාශය වඩාත් පුළුල් කරමින්, පර්යේෂණ හා සංවර්ධන කටයුතු සඳහා උනන්දුවක් දක්වන රාජ්‍ය නිලධාරීන්ගේ නිපුණතා වර්ධනය පිණිස අප විසින් වැඩසටහන් ගණනාවක් ක්‍රියාත්මක කරනු ලැබේ. පර්යේෂණ පරිචය සඳහා අවශ්‍ය පුහුණුව ලබාදීම, පර්යේෂණ පත්‍රිකා [Research Papers] ප්‍රකාශයට පත් කිරීමට සහයවීම හා ප්‍රතිපත්ති සම්පාදනයට අවශ්‍ය සමීක්ෂණ සහ විශ්ලේෂණ කුසලතා ඔප් නැංවීම ආදිය දැක්විය හැකි අතර එහි ආරම්භක පියවර වන්නේ පර්යේෂණ කෙරෙහි උනන්දුවක් දක්වන නිලධාරීන් ස්ලීඩා “පර්යේෂණ සංචිතයේ” ලියාපදිංචි කර අවශ්‍ය උපදෙස් ලබා දීමයි.
ඒ අනුව, සියලුම දීපව්‍යාප්ත සේවා සහ අනෙකුත් විධායක සේවාවන්ට අයත් නිලධාරීන් අතුරින් සමාජයීය, ආර්ථික සහ රාජ්‍ය ප්‍රතිපත්ති සැකසීමේ දී අවශ්‍ය වන සමීක්ෂණ, විශ්ලේෂණ සහ පර්යේෂණ කටයුතු සම්බන්ධයෙන් උනන්දුවක් දක්වන නිලධාරීන්ට ස්ලීඩා “පර්යේෂක සංචිතයෙහි” ලියාපදිංචි වීමට මේ වනවිට අවස්ථාව සලසා ඇත. එසේ ලියාපදිංචි පර්යේෂකයන්ට පහත සඳහන් ප්‍රතිලාභ හිමි වනු ඇත;
· පර්යේෂණ සඳහා ආධුනික නිලධාරීන් වෙනුවෙන් සමාරම්භක න්‍යායික පුහුණු අවස්ථා හිමිවීම
· ප්‍රායෝගික පර්යේෂණ පුහුණුව සමඟින් පර්යේෂණ පත්‍රිකා ප්‍රකාශයට පත්කිරීමට සහයවීම
· සිය පුද්ගලික නාමය යටතේම “පර්යේෂණ පත්‍රිකා” පළකිරීමට අවශ්‍ය මගපෙන්වීම,
· ස්ලීඩා විසින් රාජ්‍ය ආයතන උදෙසා ක්‍රියාත්මක කරනු ලබන පර්යේෂණ කටයුතු සඳහා සම්බන්ධවීමට අවකාශ සැලසීම
මීට අතිරේකව, ලියාපදිංචි පර්යේෂකයන්ට පහත සඳහන් වරප්‍රසාද ද ස්ලීඩා ආයතනය විසින් ලබාදෙනු ඇත.
· ශ්‍රී ලංකාවේ රාජ්‍ය ප්‍රතිපත්ති හා කළමනාකරණය පිළිබද සුවිශේෂී පොත් එකතුවක් සහිත ස්ලීඩා පුස්තකාල පොත්, පර්යේෂණ ජර්නල සහ වරින්වර නිකුත් කරන ලද රාජ්‍ය ප්‍රතිපත්ති ප්‍රතිසංස්කරණ වාර්තා පරිශීලනය කිරීමේ අවස්ථාව
· පර්යේෂණ අංශයේ අධ්‍යයන/කාර්යාලීය අවකාශය ඵලදායීව පරිහරණය කිරීමේ අවස්ථාව
ගූගල් සම්බන්ධිතය: